Paristòrias e Printzipeddu - Files de iscarrigare
Si podent iscarrigare sos pdf de sas publicatziones noas de s'ULS
08/11/2018 - Ufìtziu De Sa Limba SardaEst in distributzione su materiale didàticu pro pitzinnos de iscola materna, elementare e mèdia aprontadu dae s'Ufìtziu Limba Sarda de Pianalza e Montiferru otzidentale pro more de sa lege regionale 6/2012 (art. 2, comma 13, annualidade 2013).
Sas iscolas maternas e elementares ant a retzire su libreddu "Paristòrias", chi est su de tres volùmenes de sa sèrie "Ajò a iscola". Si b'agatant una sèrie de paristòrias de su connotu chi a dies de oe sa gente no ammentat prus, comente su contu de Pimpirincinu o de sa pudda chi non cheriat criare.
Sas iscolas mèdias ant a retzire s'adatamentu teatrale de "Su Printzipeddu" de Antoine de Saint-Exupéry, chi ant a pòdere drammatizare paris cun sos mastros.
S'idea de s'ULS est de dare trastos de traballu a sos mastros chi cherent impreare su sardu in iscola e difatis in su primu volùmene de sa sèrie "Ajò a iscola" b'aiat elementos de sas connoschèntzias de base (dies de sa chida, meses de s'annu, nùmenes de animales, etc.) e in su segundu sa bortadura "interattiva" de sos contos de Esopo e de Fedro.
Chie cheret iscarrigare sos libreddos in pdf si podet cullegare a sos link chi ponimus in fatu:
"Ajò a iscola 3 - Paristòrias"
"Su Printzipeddu"