Sa poesia ispiegada a sos giovaneddos
05/05/2021 - Ufìtziu De Sa Limba SardaComente ispiegare sas bases de sa poesia a pitzinnos de iscola mèdia oe a giovaneddos de iscola superiore, màssimu in custu tempus de letziones online e de didàtica a distàntzia?
Amus pensadu chi un'agiudu lu podent dare sas diapositivas de Power Point, chi permitint de "calibrare" sa cantidade de informatziones pro fàghere a cumprèndere passu pro passu sos trastos de base de unu cumponimentu poèticu (figuras mètricas, cesura, rima, etc.). A un'ispiegatzione fàtzile, "a medida de pitzinnu", b'amus aunidu esertzìtzios mirados pro chi sa teoria andet a su matessi passu cun sa pràtica.
Su Power Point e su Pdf si podent iscarrigare dae su link a manu destra de custa pàgina e podent èssere impreados pro fàghere 4 o 5 letziones.
Bonu traballu poèticu a totus!
(GF.P.)