Cando comintzat s'istiu, sa Regione mandat a sos Comunes sas "Prescritziones Antincèndiu", chi cuntenent cussìgios pràticos pro chircare de evitare sa peste de sos fogos chi ogni annu in Sardigna faghet calare a chisina mìgias de ètaros.
Ocannu s'Ufìtziu Limba Sarda, movende dae custas "Prescritziones", at chèrfidu dare a sa gente unu trastu in prus, creende unu "depliant" cun pagas reguleddas fàtziles pro totu sos chi si cherent impignare contra a sos fogos.