Istrutzione pro sa gente manna

Su CPIA n° 4 (Tzentru Provintziale pro s'Istrutzione de sos Adultos)  de Aristanis est comintzende una sèrie de atividades de formatzione in Iscanu in collaboratzione cun su Comune.

S'ant a fàghere cursos de inglesu, cursos de informàtica e cursos pro otènnere sos diplomas de iscola mèdia e de sos primos duos annos de iscola superiore.

Onni cursu, pro èssere ativadu, devet tènnere nessi 15 iscritos, chi devent dare adesione intro de su 31 de maju 2019. Sos mòdulos sunt in Comune e sa cuota de iscritzione est de 10 èuros.

Sas letziones ant a comintzare in su mese de santugaine (ottobre) e s'ant a fàghere in Iscanu.