"Mandronedda" - Una paristòria animada

Sa traditzione orale sarda tenet unu muntone de contos e de paristòrias chi in antigu serbiant a fàghere ispassiare sos pitzinnos.

Como chi sos contos los narat sa televisione, de custas paristòrias si nd'est perdende memòria e pro custa resone s'Ufìtziu Limba Sarda giai in su 2018 aiat pensadu de las acòllere in unu libreddu (intituladu pròpiu "Paristòrias") de dare a totu sos pitzinnos de iscola materna e elementare de sas biddas chi aiant aderidu a su progetu.

In custu tempus chi sos pitzinnos sunt inserrados pro neghe de su coronavirus, amus pensadu chi forsis a sos genitores lis podet fàghere praghere de tènnere sas paristòrias finas in versione animada. Oe publicamus sa prima, chi faeddat de una pudda mandrona chi non cheriat criare.

Pro la bìere, incarcade in su link chi sighit:

Chie cheret iscarrigare su libreddu "Paristòrias" in formadu pdf si podet cullegare a inoghe.

(GF.P.)