Cuncursu "Antoni Piludu" annu 2017
27/04/2017 - Ufìtziu De Sa Limba SardaS’Amministratzione comunale de Iscanu paris cun sa Pro Loco bandint su cuncursu de poesia sarda “Antoni Piludu” pro s'annu 2017.
Custu cuncursu, nàschidu in su 1984 e imbàtidu ocannu a sa de XXI editziones, est istadu forsis su primu in Sardigna a impreare sa limba sarda in totu sos eventos comunicativos suos. Dae su 2008, difatis, totu sos bandos, lìteras e materiales promotzionales sunt in sardu, comente est in sardu sa tzerimònia de premiatzione.
Su cuncursu de ocannu est articuladu in 3 setziones, duas pro sos mannos (rima e versos lìberos) e una pro sos pitzinnos de iscola.
Sa premiatzione s'at a fàghere su 6 de austu 2017.
Chie cheret partetzipare podet iscarrigare su Bandu allegadu e mandare sos cumponimentos a su Comune de Iscanu intro de su 19 de làmpadas de su 2017.