S'AIDO de Cùglieri faghet promotzione in sardu

S'AIDO (Assòtziu Italianu pro sa Donatzione de Òrganos) de Cùglieri at pensadu de fàghere promotzione a sas atividades suas finas in sardu, publichende unu depliant bilingue chi ispiegat comente si faghet a èssere donadores e pro ite est importante.

Su Grupu Comunale "Mario Fodde" de Cùglieri est nàschidu in su 2008 e tenet s'iscopu de sensibilizare sa gente informende·la cun propostas de tantos tipos: cunvegnos, istand informativos, presèntzia in sas iscolas, cuncursos e prèmios, manifestatziones isportivas e culturales.

S'idea de fàghere promotzione finas in sardu nos paret un'idea rivolutzionària, ca mustrat chi s'AIDO at cumpresu chi est prus fàtzile tocare su coro de sa gente impreende sa limba de su territòriu de apartenèntzia.

Nois lis auguramus de andare a in antis e de sighire a traballare cun profetu pro custa initziativa de importu mannu.

Chie nde cheret ischire de prus si podet cullegare a su situ http://www.aidocuglieri.it o iscrìere a s'indiritzu aido.cuglieri@yahoo.it.

Iscàrriga sa locandina (fronte e retro).