S'armada de sos Zigantes

Vìdeos e link

17/12/2009 - Ufìtziu De Sa Limba Sarda

 
 
 
2 gherreris, 6 tiradores de arcu, 15 pùgiles e 5 modellos de nuraghe.
Custos sunt sos chi sunt istados assemblados finas a oe, de sos 5000 e prus frammentos de pedra agatados in Monte Prama, territòriu de Crabas.
 
 

Sa prima iscoberta est istada fata pro casu in su 1974 dae unu massàgiu chi fut arande, ma finas a pagu tempus como custa meraviglia fut cuada in sos magasinos de sa Soprintendentzia de Tàtari.

Est un'armada nuràgica de pedra chi tenet prus de 3000 annos, assimizante pro imponèntzia a cussa de terracota agatada in Cina.

Chie nde cheret ischire de prus, si podet cullegare a su situ de "su barralliccu", chi at riunidu totu sos artìculos e sos filmados subra de custu argumentu.

Sas istàtuas sunt de su VI sèculu e su Tempru puru, fraigadu forsis a pustis de sa vitòria contra a s'esèrtzitu cartaginesu de Malco (539-534 a. C.).
Ma sas ipòtesis non si firmant inoghe.
 
Massimo Pittau, in su lìberu "Il Sardus Pater e i Guerrieri di Monte Prama" (EDES, 2009), ipotizat chi su Tempru de Monte Prama esseret in onore de su Sardus Pater, nùmenadu in Sardigna dae sos tempos antigos.

B'at àtere chi narat chi custas istàtuas las ant fatas pro protetzione e difesa cando s'est verificada un'eclissi de sole ispantosa in su 648 a. C. Custa eclissi est documentada in sas crònacas de Archìloco de Paro.

Ipòtesi bi nd'at meda e dùbios puru.
Inoghe carchi
&feature=related">vìdeo pro nd'ischire de prus.