Prima editzione de sos "Càntigos internatzionales de su Monteferru"

Su 13 de nadale 2018 partit sa prima editzione de sos "Càntigos internatzionales in su Monteferru", chi at a durare finas a su 16

Sa manifestatzione est organizada dae su Comune de Sinnarìolo pro more de su finantziamentu de sa L.R. 7/1955 (art. 1, lit. c) in collaboratzione cun s'Orchestra da Camera de Sardigna, paris cun sos Comunes de Cùglieri, Iscanu e Santu Lussurzu, sos Istitutos Cumprensivos de Bosa e Santu Lussurzu e sa Fundatzione Hymnos.

A mangianu si faghent atividades didàticas cun sas iscolas, a sero càntigos a cuncordu, corales e presentatziones de libros.

Su progetu cheret èssere momentu de cunfrontu e iscàmbiu intre artistas montiferrinos e furisteris, pro chi finas sas generatziones noas connoscant sa richesa de sa cultura nostra.

Seis totus invitados a partetzipare.