Su depòsitu ùnicu de iscòrias radioativas - Cunvegnu de informatzione
13/05/2015 - Ufìtziu De Sa Limba SardaGiòbia 21 de maju a sas 9 de sero (h 21,00) in su teatru "Nonnu Mannu" s'at a fàghere unu cunvegnu de informatzione pro chie cheret connòschere mègius sa chistione relativa a su depòsitu ùnicu de iscòrias radioativas.
Essende chi sa Sardigna est mentovada comente unu de sos logos prus adatos a nch'interrare 75 mìgia metros cubos de iscòrias, in custu atopu amus a resonare subra de s'argumentu, de sos perìgulos chi nde naschent e de comente chircare de bi parare fronte.
Seis totus invitados a partetzipare e a passare boghe.