S'Ufìtziu Limba Sarda est aprontende una die de formatzione pro animadores de pitzinnos minores.
S'atividade, finantziadu cun su dinari de sa Lege 482/1999 (annualidade 2012) e contivigiada dae sa sotziedade cooperativa "L'Altra Cultura", cheret dare trastos de traballu a chie totu traballat cun pitzinnos minores e cheret imparare tècnicas de animatzione, cun atentzione particulare a s'animatzione in limba sarda.
Mastru de su cursu, chi s'at a fàghere domìniga 13 de nadale in su Tzentru Giòvanos, at a èssere Antoni Dettori, espertu de animatzione teatrale e de arteterapia.
Chie est interessadu a partetzipare devet cumpilare su mòdulu de adesione e lu cunsignare a s'Ufìtziu Protocollo de su Comune de Iscanu intro de lunis 07/12/2015.