Sàbadu 9 de martzu a sas 6 de sero (h 18,00) in su teatru "Nonnu Mannu" su cuncordu Sas Bator Colonnas at a presentare s'ùrtimu traballu discogràficu suo, intituladu "Antigos Trazos".
Sa presentada l'ant a fàghere sos etnomusicòlogos Marco Lutzu e Diego Pani, e su cuncordu s'at a esibire cun sas cantzones suas.
Sa serada at a dare s'oportunidade de ammustrare sas registratziones àudio betzas (registradas in bobina e vinile), chi sunt istadas istudiadas dae s'assòtziu culturale Sas Bator Colonnas.
