Su poeta Michele Podda, autore de sa poesia "Campadora" publicada in custu situ pagu tempus como, at mandadu un'àtera poesia in argumentu de limba sarda.
In custa su poeta, partinde dae un'otava de padre Luca Cubeddu e sighinde cun sa poesia sua intitulada "Limba misturada", narat chi a bortas diat bastare unu pagu de impignu in prus pro evitare sos italianismos chi cundint sa limba sarda finas cando non bi nd'at bisonzu.
Ite bonu su narrer “caru fiore”!
Ite dèghida “dultze primavera”!
Beranu, isco, fit s’allega bera
a mie mama istimadu frore
sos mannos non nde lùmenan “amore”
naran istima o de lughe ispera;
oe mastros de limba de continu,
bogan allegas noas chene tinu.