Pro sos chi andant a villegiare

In  custu tempus de fèrias sa Politzia de Istadu at publicadu carchi cussìgiu pro chi sos ladros no intrent a isorrobare sas domos de chie partit a biàgiu. Su primu cussìgiu est de non publicare in Facebook a in ue si andat, cantu si b'abarrat e cando si recuit a domo.

Bidu chi gente meda a custas cosas non bi pensat, amus pensadu de nde fàghere una locandina e de la publicare in custu blog a manera chi chie cheret si la potzat iscarrigare, lèghere e dare a chie est interessadu.

Ammentamus chi ocannu passadu finas sos Carabineris aiant publicadu una sèrie de cussìgios pro sos betzos, chi podides agatare culleghende·bos a custa pàgina.

Leghe ite narat sa Politzia

Leghe su comunicadu de su Ministeru