"Ajò a iscola" 1 e 2 in versione de iscarrigare
13/03/2017 - Ufìtziu De Sa Limba SardaChenàbura 10 de martzu 2017 in su teatru "Nonnu Mannu" de Iscanu s'est fata sa presentatzione de su libreddu "Ajò a iscola 2", fatu dae s'Ufìtziu Limba Sarda e publicadu cun sos fundos de sa lege regionale 6/2012.
Custu libreddu est su segundu de una sèrie: in su primu b'at elementos de sas connoschèntzias de base (dies de sa chida, meses de s'annu, nùmenes de animales, etc.), in custu b'at una vintina de contos de Esopo e Fedro chi, ponende sos animales a faeddare, dant cussìgios de morale a sos òmines.
S'idea de base est de dare trastos de traballu a sos mastros chi cherent impreare su sardu in iscola, e pro custu onni pitzinnu de iscola materna e elementare de s'Unione Pianalza-Montiferru nd'at a retzire còpia.
Sos libreddos sunt iscritos sighende s'istandard ortogràficu regionale (LSC), e sos mastros ant a pòdere adatare sas ischedas a sas esigèntzias linguìsticas de s'iscola in ue traballant, faghende partetzipare finas sos genitores a custa òpera de trasmissione de sa limba a sos pitzinnos.
Chie cheret podet iscarrigare sos libreddos in versione pdf dae sos link chi ponimus in fatu: