Comintzant sos cursos de formatzione pro su 2015

S'Ufìtziu Limba Sarda est ativende in Bosa e in Iscanu sas atividades de formatzione pro su 2015 (finantziadas dae sa L. 482/1999 annualidade 2012).

A sos cursos bi podet partetzipare dipendentes comunales, amministradores e uditores esternos dae totu sos Comunes chi ant aderidu a su progetu, e tocat a dare adesione cumpilende su mòdulu e cunsignende·lu a s'Ufìtziu Protocollo de su Comune de Iscanu o de Bosa intro de su 30/10/2015.

Su cursu l'at a fàghere su sig. Antoni Nàtziu Garau, e at a tratare de custos argumentos:

- Faeddare, iscrìere, lèghere: règulas e trassas pro su tramudu de sa limba sarda dae s'oralidade a s'iscritura;

- Ortografia de sa limba sarda, chistiones morfo-sintàticas de su sardu, chistiones terminològicas e tradutològicas;

- Interlinguìstica sardu-italianu: calidades e formas de s'ammisturu. 

Pro partetzipare non si pagat nudda.

Sas letziones s'ant a fàghere in sas datas e in sos oràrios chi sighint:

mèrcuris 04/11/2015 h 15,00-18,00

mèrcuris 11/11/2015 h 15,00-18,00

mèrcuris 18/11/2015 h 15,00-18,00

mèrcuris 25/11/2015 h 15,00-18,00

mèrcuris 02/12/2015 h 15,00-18,00

mèrcuris 09/12/2015 h 15,00-18,00

Iscàrriga sa locandina e su mòdulu de adesione.